اللى يعيش ياما يشوف

من يومين لتفرجت ع ال otv

شفت عليها موضوع ماستمتعش خالص بيه

ان اتعمل فى مصر فندق مخصوص للكلاب

على مساحة 200 فدان فى اماكن للالعاب

عايشين عيشة دماغ وكمان بيتغدوا لحمة

بيرتاحوا ويستجموا بعيد عن الزحمة

فى واحد هناك مخصوص بيدربهم

بيحميهم بالشامبو وياكلهم ويشربهم

ووجبة اساسية ع الغدا الخضار

طازة ومتنضف مفهوش اى اضرار

اكتر حاجة اثرت فيا .. انه اتقال الجملة ديا

(اكل الكلب نص سوى عشان ميفقدش قيمته الغذائية)

اما بخصوص حالته الصحية فى هناك عيادة بيطرية

حتى الكلاب فى تفرقة عنصرية بينهم

بس برضه مش هو ده الموضوع

الموضوع....فى الشاب اللى مات بالسرطان

بعد ما طردوه من المستشفى عشان مفيش فلوس

تكفى مصاريف علاجه

الحرب جاية مفيش كلام .الحرب جاية مفيش سلام

الحرب جاية بس لسه مش متحدد المكان

لازم نكون مستعدين علشان ندافع عن الدين

اللى كنا بيه سايدين وبلاش نقف متفرجين

بلاش نتحجج بالكلام ونقول احنا عاملين سلام

شوف احنا عاملين سلام مع مين مع اليهود الملاعين

ولو مش مصدقين شوفوا اللى بيحص فى فلسطين

ليل ونهار قتلودمار هدم بيوت تشريد اطفال لازم نقول بصوت عالى لالالا للاستعمار

يلا بقى يا مسلمين خلاص كرامتنا بقت فى الطين

بلاش نقف متفرجين ونقول بكرة الدور على مين

مش عاوزين نزاعات عاوزين بقى اتحاد

يلا بقى يا عرب حى على الجهاد

الحرب جاية مفيش كلام الحرب جاية مفيش سلام

الحرب جاية بس لسه متحدد المكان

عدونا خطير دامى وغدار بيستخدم سلاح كبير غير سلاح النار

اخطر سلاح فى الدنيا هو سلاح الخديعة

فى فلسطين فتح وحماس وفى العراق سنة وشيعة

هى دى الزريعة بيعملوها للوقيعة

لازم ننسى اللى فات ونحل جميع الخلافات

جاى علينا مدافع وقنابل ودبابات

الخطر عمال يقرب قوتهم عمالة تزيد

لازم تكون كلمتنا واحدة ونحط الايد فى الايد

لاما هيكونوا السادة واحنا عندهم عبيد

الحرب جاية مفيش كلام الحرب جاية مفيش سلام

الحرب جاية بس لسه مش متحدد المكان

لازم نكون مستعدين علشان ندافع عن الدين

اللى كنا بيه سايدين بلاش نقف متفرجين

يلا بقى يا عرب نصحى وننقذ اخوتنا

نقف فى وش العدو اللى جاى ينهب ثروتنا

يلا بقى العرب نصحى وننقذ امتنا

جيوشهم عمالة تقرب وهيبقوا جوا بتنا

قرب ييجى العصر يكزن للاسلام النصر

ويكون لجيوش المسلمين قوة ملهاش حصر

الشعب لا بد ان يكون فقيرا ...... الفقراء يدخلون الجنة

مشكلة كبيرة هى اختلاف الطبقات

ناس بتنام على ريش نعام وناس بتنام عالبلاط

ناس عايشة ومش عايشة ومتشردة ومن الجوع خايفة

وناس قاعدة ومرتاحة بتتفرج على نانسى وهيفا

ناس قاعدة ومحتارة مش عارفة فى الصيف فين هاتروح

وناس بيوتها واقعة مش لاقية قوضة فوق سطوح

اطفال ماشية حافية وهى الشوارع بتلم

ضايعين متشردين وفى الكولة بتشم

ناس تانية عايشة راكبة مرسيدس وبى ام

هاتقولى فيها ايه ده شىء مش مهم

اصل لو كانوجاينها من الحلال كان معلش

انما دول جاينها من النصب والتزوير والغش

بنمر بتطور اقتصادى فين مش شايفينه

الناس مش لاقية العيش البلدى ونسيت العيش الفينو

يصدره الغاز لاسرائيل ويغله علينا البنزين

مفيش اى رحمة ولافى اى دين

واحد بيكسب فى السنة فوق ل100 مليون

يغلى الحديد على الناس ويلبسها المواطن المطحون

مزكراتى فى اولى علوم

انا شاب رايق ساعات نايم وساعات فايق

بحب اسمع راب بس لما بكون متضايق

لما بكون زهقان بحب االف راب

بس لو عندى امتحان انا بفرك الكتاب

كان نفسى ادخل صيدلة بس مرحناش بعيد

المهم دخلت علوم وفى اول سنة بعيد

خلاص عندى امتحانات اهو كمان اسبوع

ولو سقطت السنة دى كمان هاعيط بالدموع

لازم ازاكر واركز عشان مفيش رجوع

ايه اللى انا بقوله ده بس مش هاغير الموضوع

انا خايف من الاستاتيكا بس اصل ملوش لزوم

هو هاحفظ الاثباتين وهفكنى من العزوم

عادى بالنسبة ليه منا طول الايام فاضى

بس انا مش هاتعب نفسى وازاكر الشغل الافتراضى

لان انا كدة يبقى عديت الخط ودخلت فى التقيل

ونهاد دماغها وسخة واللى بيحللها بيشيل

رحنا عند جوهرى شرحلنا السلاسل والخيوط

روحت راجعت عليهم وتمام انا مبسوط

الاستاتيكا املها ضايع قلت افكر فى التقيل

فكرت افور الفزياء واجيب فيها تقدير

اليومين اللى بعد الاستاتيكا كانوا امل كبير ليه

فكرت افور فيها الفزياء الكهربية

to be continued.....

الكوسة

هاتكلم عن الكوسة بلا عنب بلا بتنجان
هاتكلم عن الكوسة اللى بقت موجودة فى كل مكان
هاتكلم عن الكوسة بس اللى مش مؤورة
هاتكلم عن الكوسة اللى جايبانا ورا
والكلام والفشخرة عن التاريخ والحضارة
ومقبرة هرم سقارة وخوفو وخفرع ومنكرع
مش شايف البس نضارة وافتكر حادثة العبارة
مهتمين بالتابوت وبتمثال حتشبسوت
وفى ناس بتموت ومينفعش اى سكوت
بره اخترعوا صواريخ وصلوا بيها للمريخ
واحنا لسه فى البطيخ بنتكلم عن التاريخ
لو رايح تقدم فى الحربية وبابا تقيل او فى الداخلية
هتعدى زى الرعد وهتبقى 100 100
لو رايح كدة عادى ولسه عندك امل
هتاخد استمارة 6 والباب يفوت جمل
لو معاك واسطة بتلاقى الدنيا باسطة
ولو محدش معاك بتاخد على افاك
حتى الكوسة فى الكورة مش مهم الاداء
طول ما فى حكام بيدوا ضربات جزاء
حتى الكوسة فى الجيش وكمان فى طابور العيش
لو كنت حتى مأمور مش محتاج تقف فى الطابور
وفى ناس الوقتى شهداء طابور العيش
وفى ناس بالكوسة بيعرفوا يفكوا من الجيش

حتى الكوسة فى التعليم بيبقى الطالب غبى وبهيم

وتلاقيه ناجح وجايب تقدير بدل ما كن يطلع الاخير

وفى الوظيفة لما تقابل المدير مش هيقلك فين التقدير

لازم تقله انا تبع فولان وده منه انا قلقان